رۆچ اَچ تَئی رُژن ءَ سْرَپیت
پہ مَن گِداری جَمَّرے ھُشکێں ھَوَسّ شَنزان ءَ شُت
سْیاہ ءُ تَہاری اَچ تَئی اِستالبرَمشێں، مَہکاندرَنزێں ھَیال ءَ رۆژنا
زِردُن نَبرَمشِت ساہَتے
زانت اِنت تَئی کُلّ ءِ چِراگ
اێوکی ءِ بے ساہِگێں ھَمراہی اِنت
آجُوی تَئی مِہر ءِ نَمیرانێں ھَتَم
چیہالاں گُٹگیر آں کہ زِند اِنت اێردَست
اێمِنگِری تَئی واہَگانی مُجَّتیێں مۆسُم اِنت
آشۆب تَو
آشۆب مَن
آشۆب تَئی زۆراکێں ھێرۆپ ءِ اَبَدمانێں کِشار
چِلَّگ اَزاب اِنت کہ مَنی جُہدانی آسَر، بے سَمَر
زِند ءِ تَمَردێں شَرتَگاں
تَئی پِگر ءِ گَوہَرکیمَتی رَہسۆج
ما تُنّیگ اَہداں چاکَری
گاہُرّ، پہ ما بے سَدَپ
تَئی جَوہَر ءَ کۆہ پْرُشت اَنت
کۆہ اَنت کَلات
ڈێہ ٹَہ اَنت
بے بُندَراں
<سترُنگ><اِم>اَتا شاد