رۆچ گۆں ھَزارَّنگێں گَماں کێگَد مَنی بے گاہ بیت
شَپ گۆں تَئی زَپتێں زَہیر ءُ تْرانَگاں بانگواہ بیت
چۆ چۆن گْوَزیت بارێں مَنی لُنج ءُ تَہارێں زِندَگی!
مُرتَگ مَنی زِند ءِ چِراگ، بارێں کَدی رۆژنا بیت
جِندُن وَتی ھیرات کُت، مَن سَر وَتی کُرباں کُت
مَن ھِچّ نَزانتَگ کہ مَنی ھَمبَل مَنی بَدواہ بیت
کَجواری ئے تَژن ءَ مَجَن مارا جَہان ءِ دێم ءَ تَو
یَکّے گَریب ءُ وار بیت، یَکّے اَمیر ءُ شاہ بیت
شۆہاز مَبُو تَو دِلپرۆش دُنیا ءِ دۆد اِنت داِمی
گۆں بَزگَر ءُ گۆں بے دَراں مَرچاں کئے اِنت ھَمراہ بیت
<سترُنگ><اِم>گُلام ھُسَین شۆہاز