تَو کہ ھَزار داب کن ئے
گِند ئے مَن ءَ تاب کن ئے
چَہ تَو پِرامۆش نَباں
تَئی داتَگێں رَنج ءُ گَماں
نِنداں تَئی راہ ءِ سَر ءَ
چاراں تَرا چَہ دَرشَماں
بْیا ئے کَدی چۆ جَمبَر ءَ
بُگوار ئے مَنی کُلّ ءِ سَر ءَ
بْیَیت اِنت پَدا شالا بَہار
وَشلُڈَّگێں مِہر ءِ کِشار
دُرجێں دَپ ءِ کَول ءُ کَرار
باسکانی تَئی لَہمێں وَدار
وَشّ وَشّ گْوَزیت لَیل ءُ نَہار
مَن تَو کہ بے ن ھۆر ءُ تَوار
شۆہاز پِر بَندیت گَزَل
نێست اِنت جَہان ءَ تَئی بَدَل
<سترُنگ><اِم>گُلام ھُسَین شۆہاز