دِل وَ سُرنایے، پۆکے ءِ دَست ءَ
چۆ تُپَنگے گَنۆکے ءِ دَست ءَ
چۆ مَبیت بے وَسی شَہید بِبیت
شَپکَدَگ، شَبگِرۆکے ءِ دَست ءَ
رۆک رَمزاں گُژنێں کَندیلے
اَئید دَبّۆجێں نۆکے ءِ دَست ءَ
سَر گۆں پۆلاتے ءَ نَمێڈێنتَگ
ٹَپ ءُ ٹۆری اِنت ڈۆکے ءِ دَست ءَ
چۆن سَر ءَ چۆرَہێں بِرَکّێناں
راہ گار اِنت سَرۆکے ءِ دَست ءَ
آسدرۆشُم دِل ءَ را پیلاشیت
باکَسے، چۆ گِرۆکے ءِ دَست ءَ
نَیَیت آجِز، مَن ءَ نَرَکّێنیت
رَہزَنێں رَہبَرۆکے ءِ دَست ءَ
<سترُنگ><اِم>مَجید آجِز