شَپ وَتی دامُن ءِ کِسَّہاں رۆک کَنت
آ نَزاناں پہ کہ واہَگاں رۆک کَنت
مَن پہ تْرَمپے تَچاں، گار ءُ بے گْواہ باں
آ دِگِہ مَردُمِ کَدَّہاں رۆک کَنت
آپشێپ ءِ وَڈ ءَ اِنت مَنی زِندَگی
مُرگ ءِ پَیم ءَ مَنی بانزُلاں رۆک کَنت
ما چِراگانی مَتلَب کُج ءَ پَہمِتَگ
ما نَزانتَگ کہ شَپ ھَلوَتاں رۆک کَنت
اِے شَہر ءَ کہ ساہِگ اوں زِندانی اَنت
رۆچ کُٹّیت مَنی ساہِگاں رۆک کَنت
ھَو تَپاوَت نَبیت مَرگ ءُ زِند ءِ تَہا
آ چِراگاں پَدا سَرشَپاں رۆک کَنت
ما کہ کَمبَر سَگارانی ھَمراہ اَتێں
اَہد ءِ دَرداں نَچاریت دِلاں رۆک کَنت
<سترُنگ><اِم>کَمبَر مُبارِک