سَمینسَنجێں زِرد ءَ بُجان اِنت ھَیالے
شَکَرکَندێں لَبزے، شَکَرنازێں گالے
پُلان اِنت مَن ءَ چَہ مَن ءَ دَرد ءِ زێمِر
چَہ وَت بے وَت ءُ وَت وَتێں یَکّ مِسالے
پَدا زیل زِندَگ، پہ دِل نۆشَگانی
کَش ءَ نُگرَبَندے، گْوَر ءَ دُرجَمالے
سُبَکَّشّێں کَوشانی مَوجێں ھَزانَگ
وَڈے پۆشَگ ءَ اِنت دِل ءِ شَہر ءَ شالے
مَنی اُمبر ءِ ھَمراہ، مَنی دیدَگ ءِ رۆک
پہ مَن گَنج ءُ سیتے، جَز ءُ سُہر ءُ مالے
نَمَنّیت دِلُن، مَن چَہ پَیم ءَ بِمَنّاں
(کہ) مِہر گَپّے وَشّێں، مُہَبَّت ھَیالے
نَلۆٹاں بَہِشت ءِ، زَہُور ءُ تَہُوراں
پہ مَن شِنگِرّێں گَزّ دَیار ءِ چِنالے
نَبیت بێدِ دۆستاں، نَبیت مارا شۆہاز
ھَمُک رۆچ مئے ماہ ءُ ھَمُک شَپ مئے سالے
<سترُنگ><اِم>گُلام ھُسَین شۆہاز
سَلالَہ، اُماں