لاڈ ءُ لَڈ لاڈ، لاڈ ءُ لَڈ لاڈ
نازێناں وَتی ڈێہ ءِ پُلگَوہَرێں بَچّاں
لاڈ ءُ لَڈ لاڈ، لاڈ ءُ لَڈ لاڈ
کَولیگ پہ وَتی ھاک ءِ مَن اَنگَرێں بَچّاں
گْوار اَنت چۆ بَشّام ءَ ، شَنز اَنت چۆ زِری نۆد ءَ
شَنک آں پہ جُڈاں نۆدی، پہ جَمبَرێں بَچّاں
پْرۆش اَنت تَئی ھَسارانی تَیلاں دْرَہێں زۆراکێں
اِے کَوش نَہ اَنت سارتێں، اِے اَلگَرێں بَچّ اَنت
ٹَٹ اَنت چۆن سَما ءِ رَگ، بَرپ بَند اَنت چِتَور سَسّا
آچ اَنت مَنی بے لی ءُ اِشکِرێں بَچّ اَنت
اَلماس مَن پَہرانی لاساں کَناں لاکۆٹاں
بے اُزر ءَ سَراں بَکش اَنت، بے دَروَرێں بَچّ اَنت
<سترُنگ><اِم>اَلماس