لَیب کَنانا آ گۆں ماہ ءَ واب کَپیت
اَلّ ئے مَباتاں بے سَرجاہ ءَ واب کَپیت
لَہمێں تَئی رَپتار مَۆشتیت مِنزِل کئێت
کَرگُشک اِے رَندی ھَم راہ ءَ واب کَپیت
رۆچ کہ بُڈّیت دِل ھَم بُڈّیت پَجّیگ ءَ
اوست، گَم ءِ ژَندێں بے گاہ ءَ واب کَپیت
ھَرکَس واب اِنت، دْراہێں دُنیا اِنسِرتَگ
بَسّ کَن شانتُل، بِلّ آگاہ ءَ واب کَپیت
دۆست ءِ کاگَد زامِن مارا زی رَسِتَگ
مارا جێڈیت کَشّیت آہ ءَ واب کَپیت
<سترُنگ><اِم>زامِن مُراد