مَن ءَ را چۆ وَتی دَستاں مَدارِت
بِگِند ئے دِل دِگِہ راہے بِچاریت
گُڈا نییَت بَدَل بَنت دیدَگانی
مَن ءَ مارِشت چار اَنت دُزکَنِکّی
مَنی گۆشاں ھَمے آواز کئێت اِنت
نَزان ئے زِندَگی اُمراں نَچاریت
نہ ڈیلّ ءُ کَدّ، نہ بالاد چاریت
تَرا اُمر ءَ وَتی کئے دیدَگاں کَنت
اِے اِمرۆز ءِ سَرے دیرێں بِزان ئے
اِد ءَ بازێںے گْوَستَگ، باز اَتکَگ
اِے گَرمێں رَہسَرا مِنزِل بِکَنت کئے
اِے آس ءَ ھَرکَسی بالاد شُشتَگ
وَتی مَن دامُن ءَ وَہدے بِچَنڈاں
مَنی کِسَّہ اوں باندا اِے وَڈ ءَ بیت
تَر ءَ را اوں بُرَو مِنَّت شَمال اِنت!
<سترُنگ><اِم>میر اُمَر میر