بال بَستَگ اَنت ماہ ءِ گِندُک ءَ پہ سَر گِپتَگ
مُرگے ءَ دِل ءِ تۆک ءَ آزماں دَر گِپتَگ
تَئی زَہیر اَرواہ ءِ سَنگَر ءَ سِلَہبَند اَنت
سێنَگ ءَ دِل ءَ چێرێں سَر وَتی سَتَر گِپتَگ
اَبرَم ءِ مُلُوری ما ھۆن شانَگ ءَ دیستَگ
زَردُویا بیمارێں گێدی ءِ جَگَر گِپتَگ
ماں رُوسِتَگ ھَرّۆ پہ دَرامَدێں داباں
جاہِلێں دِل ءَ زانا مَردُم ءِ ھَبَر گِپتَگ
بے گَہے ءَ زێبائی ماں پَتاتَگ کَندیل ءَ
بالُوے گَل ءَ بال اِنت وَتکُشی ءَ سَر گِپتَگ
پَد جَت اَنت دوێں دیدَگ گۆں بَباتَگێں واباں
بْیا کہ اِے کَلاتێں دِل مَن پہ تَو دُبَر گِپتَگ
ما تَئی وارِس ایں، مارا چَہ تَرا پِر اِنت بۆگے
زِندَگی ھَمُک ما تَئی ھیلَہ ءُ ھُنَر گِپتَگ
بێدِ جَنگ ءُ جَنجال ءَ کَسّ چی ءَ نَبیت سَرپَد
اێمِنی ءِ دامُن ما گِندَگ ءَ وَ شَرّ گِپتَگ
داد ما نَدیستَگ آ پُلّ جَنگَل ءِ راہ ءَ
کُوکُواں کَپۆتانی نام باز بَر گِپتَگ
<سترُنگ><اِم>اَلیجاں داد