دِل ءِ اِے تْراوَلاں کَئی دامُن ءَ کَرارێناں
زَمانَہ دَرداں نَگِندیت آشکارێناں
نَشَہمیت اَنگا مَنی نَوبَت ءِ گَمیگێں بَدَن
مَن ماہِکان ءَ گۆں تَئی سُورمَگاں ھَوارێناں
نہ گیمُریت نہ سَبزیت چِہ پَیمێں اُمّێتے
بْیا کہ تُنّ ءَ دِل ءِ مَرچی آس چارێناں
ھَزیت چۆ گْوات ءَ گُش ئے مِہلَبێں پَدے چاریت
نَبیت ھَوار گۆں تَئی آہُواں شِکارێناں
اگں بِگرێواں گُڈا دیدَگُن گِلَگ نَکَن اَنت
گۆں آزمان ءَ زِر ءِ واہَگاں ھَوارێناں
مُنیر اِے سینَگ ءِ میراس ءَ کئے بِدَنت لیل
مَرۆچاں زار کُتَگ مُرگاں شَپتَوارێناں
<سترُنگ><اِم>مُنیر مۆمِن