یَل دَئے دَرد ءِ سَنگَتی ءَ دِل، چُشێں کار ءَ مَکَن
پُکّیاں رَند ءَ نَسَگّ ئے بِلّ، چُشێں کار ءَ مَکَن
دِل نَباہ کَن اِشک ءِ سَودا کۆدِکی لَیبے نَہ اِنت
چَہ وَت ءَ ھَیراں بَئے جاہِل، چُشێں کار ءَ مَکَن
تَو کہ چَہ مَن دُور دَرمُلکاں رَو ئے آباد بَئے
لَہڈ جَنت تَہنائی ئے مَنجَل، چُشێں کار ءَ مَکَن
پُلگُدێں بے لاں مَنی دْرَنج ئے چِگِردانی سَر ءَ
تَو اوں بے مَوت ءَ مِر ئے کاتِل، چُشێں کار ءَ مَکَن
ناہُدا بۆجیگ ءِ کَرس ءَ کازی ءِ دَست ءَ نَگُش ئے
دُور چَمّاں زاہِر اِنت ساہِل، چُشێں کار ءَ مَکَن
<سترُنگ><اِم>مُبارِک کازی