زَہیر ءِ گْوات ءَ لِوار چێر اِنت
دَمێنَگ ءَ اِنت دِل ءُ جَبیناں
وَدار ءِ راہ ءَ نِگاہ دْرَنگ اَنت
ھَمُک سَباہ ءَ نِگاہ دْرَنگ اَنت
گُش ئے چۆ کَریابێں تَہتَریناں
دَمێنَگ ءَ اِنت دِل ءُ جَبیناں
زَہیر ءِ گْوات ءَ لِوار چێر اِنت
کہ چَم دْرُشک اَنت ھَیال دْرُشک اَنت
تَوامێں گُپتار ءُ گال دْرُشک اَنت
مَن چے بِتراناں پہ یاسَمیناں
دَمێنَگ ءَ اِنت دِل ءُ جَبیناں
زَہیر ءِ گْوات ءَ لِوار چێر اِنت
نوں ھُشک رَکّ اَنت، زُباں گُنگ اِنت
<سترُنگ><اِم>اَبّاس ھَسَن