پْرۆش نَوارت اِنت راجی لَشکَر دِلجَم بُو
آجُوی داں مان اَنت سَنگَر دِلجَم بُو
مِکّ بِباں داں گُڈّی تیر ءَ تَئی دێم ءَ
جَنگ نَبیت اِنت مئے چۆ آسَر دِلجَم بُو
جُنز ءِ رۆتَگ کَنڈ اَنت زِمین ءِ دِلبَند ءَ
ھۆناں ھَوارێں زَہم ءُ اِسپَر دِلجَم بُو
بَکشایَگ پہ دَست ءِ تُوپَک زێب نَدَنت
ما اوں نَبێں داں مَرگ ءَ واتَرّ دِلجَم بُو
تُرس ءُ بیم ءَ کُشتَگ تَرا چۆ باجُو ئے
مَست ءُ تَوانا مَلّێں مئے سَر دِلجَم بُو
جُہد مَئێگ اِنت ما پہ جُہد ءَ کُرباں ایں
سَر ما داتَگ اَنگَت دَیێں سَر دِلجَم بُو
مارا ماساں پہ آشۆب ءَ نازێنتَگ
لیلَو مات ءِ کار اَنت نوں بَر دِلجَم بُو
بێدِ کۆش ءَ راہ نَمَنتَگ ھِچّ سَکی
شِرّ نَبیت اِنت نوں ھِجبَر شَرّ دِلجَم بُو
<سترُنگ><اِم>سَلماں ھَمَّل