اَچ مَن ءَ ، چَہ تَرا ھما دێمتِر
مَوجێں گْیاباںے ءَ پِلِکِّت زِر
گُشت ئِے بَرباد ئے، تَ مَن ءَ را چے؟
بات ئے بَربادتِر، چِد ءُ گێشتِر
بارے ئے، گُلزِمین ءِ بَڈّ ءَ تَو
بے سَبَب زِندَگ ئے، گُڈا نوں مِر
مارا بے ڈَسّ ءُ بے نِشان ئِے کُتَگ
تَئی زَنُوک ءَ اَجَب نِشانے پِر
زامُرے ئے کہ زامُران ءِ تَو
مَن ھُدامُرزێں سازے ءِ زێمِر
دْریپَگ ءَ بُوتێں تَئی گَم ءِ لێڈَہ
جَور چارێنتَگَت ما آ اُشتِر
ٹَپّ ءُ ٹۆری ءُ آزَگ آں آجِز
دَست گِر، بْیا اَڈ ءِ مَن ءَ دَز گِر
مَجید آجِز