دَسَمبَر بُن گِرَگ لۆٹیت
تَو واتَرّ کَن، تَو واتَرّ کَن
دَسَمبَر شُت پہ بے بْرَمشی، نَیَتک ئے تَو
نَیَتک ئے تَو کہ تَہنائی مَجَنت زَنگ ءَ زَہیرانی
تَئی رَہسَر نِگاہانی ھُدابُند اِنت
گُش ئے اَہد ءِ شِپانک آں مَن
رَمَگ زُرتَگ
ھَیال ءِ جَنگَل ءَ وَیل آں
بلے ڈُکّال اوستانی مَن ءَ نَیلیت
مَن واتَرّ باں گِس ءَ کایاں
مَلامَت باں
تَئی اَندۆہ چۆ اَگرێچ ءَ
تَوامێں نَوبَت ءَ سۆچیت
تَو واتَرّ کَن، دَسَمبَر بُن گِرَگ لۆٹیت
<سترُنگ><اِم>ھَسّام بَلۆچ