ھۆن کئێت چَہ دیدۆکاں، آس ماں دِل ءِ دَستاں
تَئی گَماں کُتَگ آزات ساہ چَہ کاتِل ءِ دَستاں
کئے پہ کئے اِد ءَ نِندیت پُرس ءُ پاتیایے کَنت
ھَرکَسی دِل اِنت سِنگ ءِ، ھَرکَسی گِل ءِ دَستاں (دَست اَنت)
مارا پہ وَت ءَ کار اِنت آشِکێں دِلے اَنچێں
کہ بِکَنت پَدا ھِنّی مِہر ءِ مِنزِل ءِ دَستاں
کاریت رُنگراہانی وَت مُساپِرێں دَرداں
اَنچێں یَکّ چِراگے تَئی جَٹّ ءُ جاہِل ئے دَستاں
وَہد تَو بُگُش بارێں گۆں کئے ءَ کن ئے گِلَّہ
چَمّ پہ اَرسے ءَ کۆر اَنت رۆک دِل، دِل ءِ دَستاں
دِل مَنی زَدَگ بات اِنت تَنکہ زِندَگ اِنت مُمتاز
لال ءِ مَنگَلیکانی لَہمێں زێمِل ءِ دَستاں
<سترُنگ><اِم>مُمتاز اِیسُپ