تَئی نام ءَ کہ وِرد کَنانا دَر کایاں
مَن چَہ وَتی ھَستی ءِ اِنانا دَر کایاں
دَریایے آتراپ ءَ مَنی وَدّیت ءُ مَن
تَئی تُنّ ءَ نۆشاں نۆشان ءَ دَر کایاں
مِہر وَ آسے کہ آپ ءِ چاگِرد ءَ رُدیت
پہ تَو ھَر سیت ءُ تاوان ءَ دَر کایاں
چۆنێں رازے سَرپۆش اِنت کۆہانی زِہاں
چۆنێں سَر مَلّاں مَلّان ءَ دَر کایاں (کاینت)
شَپ کہ بیت چَمّاں سَبزیت رَنجانی کِشار
زَہیر گُرازێں شۆر کَنانا دَر کایاں (کاینت)
دَریا اَنگَت چَول جَنانا زِندَگ بیت
دَریاوَرد میزاں میزان ءَ دَر کایاں (کاینت)
آواں کۆہانی ھامۆشی آواز نَدَنت
آ کہ چَہ کَول ءُ پَیمان ءَ دَر کایاں (کاینت)
مَرگ ھما سَہت ءَ اَچ مئے میان ءَ پاد کئێت
زِندَگ ھَردێں (چَہ) گۆرِستان ءَ دَر کایاں (کاینت)
یار اِے مُرگاں پَرچا بَہارگاہ دۆست نَبَنت
یار اِے پَرچا پہ گَیابانا دَر کایاں (کاینت)؟
چَمّ اوں نہ ٹِمب اَنت بَدواہانی دێم ءَ بلے
تَو کہ نَکَند ئے چَہ اِیمان ءَ دَر کایاں
بِلسُم، تَئی رَنگانی بَشارَت ھَست بِبَنت
جَمبَر جَمبَر وِرد کَنانا دَر کایاں
آواں پہ چے مَرگ، چے دُنیا، چے جَنَّت؟
آ کہ چَہ تَئی کَیپاں تابان ءَ دَر کایاں
کَمّ کَمّا بے وانکی کَنت چَوگاں دِلاں
کَمّ کَمّا کُلّ چَہ دیوان ءَ دَر کایاں (کاینت)
تَئی اَمبازاں اُمر ءِ تَوامێں شۆر تْرَہ اَنت
ءُ مَن چَہ کاسُم اَرمان ءَ دَر کایاں
(<سترُنگ><اِم>شَہید) کاسُم اَرماں