دیدَگ اَرساں، دِل آسَرداں زُرت نَکَنت
مِہر ءِ کیسَگ لُکّ اِنت دَرداں زُرت نَکَنت
جاگَہ دَنت کاچاک ءُ شَپُکّاں چَمّ ءِ تَہا
چۆنێں تَیابے دَریاوَرداں زُرت نَکَنت
بِلّ نَنگار ءَ بَڈّ ءَ کَنت تَئی پیرێں پِت
تَئی وَرنائیں کۆپَگ بَرداں زُرت نَکَنت
بَسّ تَئی تْرانَگ اِمرۆز ءَ مئے میراس اِنت
دِل بے چارَگ گَرماں سَرداں زُرت نَکَنت
دَہر ءِ گَماں اَنچُش کازی اێرجیگ کُتَگ
واہَگ ءِ گْرانێں بار ءَ مَرداں زُرت نَکَنت
<سترُنگ><اِم>مُبارِک کازی