نِگار بیت نِدارَگے، نِدارَگاں نَیار اَنت چَمّ
ھَمینچ بے کَرار اَنت چَمّ، ھَمینچ بے تَوار اَنت چَمّ
تَو ھَست ئے، ھَستی اِنت تَئی، مَن ھَستی ءَ تَلَب کَناں
بِدرَپش مُہرَگ ءِ وَڈ ءَ ، تَئی جَلوَہ ءِ دَیار اَنت چَمّ
گُشان ءَ سِتر ءِ دَر مَکَن، ھَبَر کن ئے ھَبَر مَکَن
اِے بے تَواری ءِ گَم ءَ نوں دیدَگاں نَدار اَنت چَمّ
ھَو کئێت اَنچێں نَوبَتے، تَئی رَنج یَکّ یَکّ بَنت
مَنی وَتَن دِل ءَ مَوَر، تَئی سَبزَگ ءَ ھَزار اَنت چَمّ
نوں دْرۆشُمانا رَنگ نێست، نوں جَنگ ھَست ءُ جَنگ نێست
نَزانتَگ چۆش کَبر بَنت ماں رَنج ءِ مَلگُزاراں چَمّ
وَدار ءِ مَلپَداں اُزَیر، نِگاہاں تَند بَستَگَت
زَہیر ءِ آس ءِ جَنگَل ءَ شُہازَگ ءَ اوں گار اَنت چَمّ
<سترُنگ><اِم>اُزَیر دَشتی