نِشار ءِ گْراستَگێں ڈالانی وامدار آں مَن
وَتی مَن ھَردێں زالانی وامدار آں مَن
مَن اَنچۆ گَرک اِتاں، یَکّێں جَمالی ءِ اِشک ءَ
نوں شَہر ءِ دْرُستێں جَمالانی وامدار آں مَن
دَپے مُشۆک ءَ نَیبَشک وامدار اِنت مَنی
پہ چَرسی سُوٹے مَوالانی وامدار آں مَن
پَدا کہ اَتکاں کَمالاں مَن پێش داراں وَتی
مَرۆچی ناکُو کَمالانی وامدار آں مَن
چُشێں ھَبَر، چُشێں مَسکَرا مَکَن تارِک
تَئی بازێں گَپّ ءُ مِسالانی وامدار آں مَن
<سترُنگ><اِم>تارِک پیشُکانی