سَلام آجُوی جُہد ءِ دیداں سَلام
سَلام گُلزِمین ءِ شَہیداں سَلام
اَبَد زِندَگێناں، اَبَد رَپتَگێناں ھَزاراں سَلام
سَلام اِنت تَئی سُوراب ئے آ سَنگَران ءَ
سَلام اِنت تَئی مُرگاپ ءِ شێرێں سَران ءَ
سَلام اِنت تَئی راج ءِ دِل ءُ مِہتِرانا
سَلام اِنت تَئی ھۆنانی اِے رَہبَرانا
تَئی شَیدائیں پُلّ ءُ بَہاراں سَلام
سَلام اِنت تَئی کاہان ءِ اَرسیگێں گَٹّاں
سَلام اِنت تَئی ھاران ءِ گْیابان ءُ پَٹّاں
سَلام اِنت تَئی تاوان ءُ اِے جَنگ ءِ کَٹّاں
سَلام اِنت تَئی شاداں، گَم ءِ دَور مَٹّاں
تَئی آشۆبچِستێں تَواراں سَلام
سَلام اِنت تَئی بۆلان ءِ آپشان ءُ گْواشاں
سَلام اِنت تَئی تُوتَک چَکار اِنت لاشاں
سَلام اِنت تَئی جُنز ءِ جَوان ءُ کَماشاں
سَلام اِنت تَئی دَہل ءَ کہ رَستَر لَپاشاں
سَلام اِنت تَئی مَلگُزاراں سَلام
سَلام اِنت تَئی کیلکَور ءِ بَہِشتێں سَباہاں
سَلام اِنت تَئی تْراتان ءِ دِل ءُ جَنگجاہاں
سَلام اِنت تَئی مَنگِہ، مَیار ءُ مَڈاہاں
سَلام اِنت تَئی دۆدان ءُ رَہبَند ءُ راہاں
تَئی دیرچاریانی شَہاراں سَلام
<سترُنگ><اِم>آہُوگ گُل