دیدَگانی مَیم ءَ آدێم ھَست چے
بے زُبانێں کِسَّہاں آدَست چے
آزَگێں باندات چے ءُ گْوَست چے
زِندَگی ءِ لَڈّ ءُ بۆجا رَست چے
آبلَہێں کِشکے یا گێڈێں مِنزِلے
واہَگے وَیرانێں سۆتکالێں دِلے
چَمَّگے سَبزاپێں لُردێں تْراوَلے
شیرَگێں اِستُونے اَرسانی شَلے
سَبزُکێں وَہمے گۆں واباں پێڈِتَگ
اِے جَہاں گۆں آ جَہان ءَ مێڈِتَگ
تَئی زَہیر ءِ زَیماں زِردُن لێڈِتَگ
بَسّ تَرا مَن جێڈِتَگ ءُ جێڈِتَگ
آپ داں لُنٹ ءَ اِنت، نُکّے تَرّ نَبیت
دِل گُنَہگارێں کہ آس ءُ چَر نَبیت
چَہ وَت ءَ گیشیت ءُ پہ وَت سَر نَبیت
دَرد مئے جان ءَ اِنت، جان ءَ دَر نَبیت
کَہچَراں نَیلُن تَئی دُزّێں لَشکَر ءَ
مازَگاں سۆچاں چۆ رۆکێں اَنگَر ءَ
پہ زِمین کُرباں بے ن ما سَد بَر ءَ
دْرَپش دَنت اَرواہ مِہر ءِ سَنگَر ءَ
<سترُنگ><اِم>پَزَل شێر