دِلبَرێں کَوش نَیَتکَگ گۆں تَئی وَشبُواں اِد ءَ
کُتێں گیرۆشَگ مَن ءَ جیگ ءِ آ نازبُواں اِد ءَ
اِینچ وَیرانی نَبُوت جَنگَل ءُ گْیابان ءَ مَنی
زێمِر ءِ مُہرَگ بِرێتکێن اَنت تَئی کُوکُواں اِد ءَ
پیری ءَ دَرد ءُ گَم ءُ رَنج ءَ اَبَید ھِچّ نَدات
دِل گُشیت زیر کَسانی ءِ تَئی گۆکُواں اِد ءَ
وَت وَت ءَ وَڈَّم دَیاں وَتگَلا پیماز ءِ مِسال
زانَگے نێست ءُ نَزُرت زانَگ ءِ ماتُواں اِد ءَ
پاد کُتَگ بازێں نِہال، رُستَگ اَنت نی بیرّ ءُ بَر اَنت
شَند ءُ کَورجُواں، مَنی شَکَّلێں شَہجُواں اِد ءَ
پہ دَپ ءُ سُنٹ کَنَگ رۆچ وَتی گْوازێنت اَنت
چُشێں تاہیر نَدات چارَگ ءُ آ رُواں اِد ءَ
نِشتَگاں دَست زَنُوک ءَ اِنت، پَرێشان آں مَن
بارێں کَد کاریت سَمین مِہلَب ءُ تَئی بُواں اِد ءَ
دَشتی وَپتاں مَن ھَیالانی تَہا گْوانزَگے ءَ
مَن ءَ کَندێنتَگ مَنی ھَمسَرێں مۆکُواں اِد ءَ
<سترُنگ><اِم>مَہمجاں دَشتی