تَو دَز جن ئے
مَنی چِراگێں سێنَگ ءَ
مَن ھَلوَتانی شَہمے ءَ رَزا نَباں
تَئی شیرگَرمێں بۆسَگاں زَہیر ءِ بَرپ آپ بَنت
مَن ءَ بُبۆس …
مَن ءَ را رَکّ ءِ شَہدێں لِزَّتاں بِدئے
کہ زِندَگی ءِ چَہرَگ ءَ جَن اَنت
تَئی ھیسکَگانی دَم
تَو لَہم لَہم ءَ دَز جن ئے
مَنی ھُمار ئے پُکّیێں گَماں
مَن زَیم باں
مَن ءَ را ھینزَکے بِکَن
وَتی ھَوَسّ ءِ آچِش ءَ گۆں مَنت
کہ چاڈ ءِ آگَہی زِبَہر کَنت
دِل ءَ بَہِشت ءِ بے مُرادێں وَسوَساں
تَو وار وارا دَز جن ئے
مَنی وَدار ءِ سارت سارتێں گِلَّہاں
مَن کَندَگانی بْرَمشے ءَ رَزا نَباں
تَئی گَرم گَرمێں آزَہاں* مَلار ءِ تُنّ اِنسِریت
مَن ءَ را شیشَگے بِکَن
وَتی کَرار ءِ ساوَڈ ءَ یَلَہ بِدئے
مَن ءَ را پُکّیے بِکَن
ءُ گْوات ءِ کۆلے ءَ گۆں نَرم نَرما شِن
*آزایاں
<سترُنگ><اِم>سَلماں اِبراہێم
(کَپۆدَرے ءِ زَہیر گار اَنت)