چۆنێں شَہدادیے
اَنگَت اِنجیر ءِ بالاد ءَ سَرپَد نَہ اِنت
دْرۆگبَندێں شَپ ءِ گَپّاں باوَر بِکَنت
رۆچ ءِ رُژنائی ءَ چَمّے چارِت مَکَنت
چۆنێں مَہنازیے
کہ
مَزانت سێنَگ ءِ رُستَگێں گُکّ پہ لَبز بۆجَگ نَبَنت
وائے ناباوَری
زار پہ نابِزانتی ءِ اُمر ءِ جَل ءَ
زِند ءِ مَہری رَوان اِنت بے مِنزِل ءَ
بے وَسی ئے گَل ءَ
واہِشانی اَزَلرُستَگێں جَنگَل ءَ
داں تَئی سِتک ءُ باوَست ءَ رَنگے بِبیت
داں مَن لَبزانی مانایاں سَرپَد بِباں
تَہنا وَیراندَگ اِنت
زِند ءِ مَہری رَوان اِنت بے مِنزِل ءَ ۔
<سترُنگ><اِم>کَمبَر مُبارِک