بَس اِے آس ءَ بِمَٹّا ئے
چَرے تیرانی باران ءَ
اگں کَمّے شُت ئے دێم ءَ
بَہِشتێں ھَلکے پَدَّر بیت،
زِمین اِنت پُلّ ءُ سَنجانی
کَپۆتی نالَگے زَیمێں
ءُ دْرۆتے نَکشێں ھَنجانی
شَہیدانی گُلێں اَرواہ
سْرَپ اَنت چۆ پُلّ ءِ اِیمان ءَ
چِراگی ھَلوَت اَنت، گَرد اَنت
بَہاری نَرمێں آہسَرد اَنت
ھَتَم رێچ اَنت، ھَتَم شان اَنت
چۆ اِے ڈێہ ءَ نَمیران اَنت
چۆ دْواے ءَ کَش ءَ گۆن اَنت
ءُ رُژن ءَ اَنت چۆ اَرمانے
بُگوَز چَہ شَرتَگ ءَ سْیاہێں
بَس اِے آس ءَ بِمَٹّا ئے
چَرے تیرانی باران ءَ
اگں کَمّے شُت ئے دێم ءَ
بَلۆچِستاں سَہرا اِنت
<سترُنگ><اِم>مُنیر مۆمِن