دُوشی کُرتَگُن اِکرارے
زُرتَگ کۆپَگاں یَکّ بارے
مَلگۆر چُکِّتَگ اَہدانی
زانتَگ بے دَمێں سْیَہمارے
اَندۆہاں مَزاربیمێناں
بَستَگ پہ مَن ءَ اِنزارے
ٹَپّاں آزَگێں بے واری
دَر شُت زُومسَرێں کاٹارے
بَشّی کۆکِراں سَر کَشتَگ*
پێداک اِنت گامانی ھارے
ھانُل پہ تَرا چَمّان اِنت
گران ءُ مُشکُلێں ھَر کارے
ھۆنشَنزێں دِل ءِ رێشانا
پِر داشتَگ پَدا اَنگارے
کَپتاں تْرانَگ ءَ دۆستَئێگ ءَ
چِست بُوتَگ دِل ءَ پاہارے
*کَشِّتَگ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
<سترُنگ><اِم>سَیَد ھاشُمی
کَلاکۆٹ۔ کَراچی
5 مَئی 1953