اِے ساہ ءِ ساز، اِے مِہر ءِ گَم، اِے زِندَگی مَنی نَہ اِنت
تَو دِگِر ئے کِسَّہ ءَ کن ئے مَنی وَتی مَنی نَہ اِنت
سَر اَتکَگێں ھَمُک ھما کہ بَہر بیت جَناوَراں
ھَزار ھَیپ تالِہ ءَ ھما تَئی مَنی نَہ اِنت
دِلُن زَریت پہ جَنَّتێں جَہان ءِ وَشّیاں بلے
مَن چۆن واب دیست باں کہ آگَہی مَنی نَہ اِنت
چَہ سێوی ءَ بِگِر بُرَو داں بے مُرادێں گْوادِر ءَ
کُج ءَ کُج ءَ مَن گۆں نَہ آں، کَئی کَئی مَنی نَہ اِنت
ھَمُک گْوَر ءَ کہ چَمّ رَوت دَرامَدانی ماڈی اَنت
بِگِند کازی کِسمِتا وَتَن مَنی مَنی نَہ اِنت
<سترُنگ><اِم>مُبارِک کازی