دَست مان اِنت مئے جِند ءِ پہ بَربادی ءُ دَر پہ دَر بُوَگ ءَ
مارا وَہد ءَ ھَزار رَند ءَ مۆہ داتَگَت پہ گێگ ءُ گْوَر بُوَگ ءَ
ما داں ھَیوانی ئے سیمسَراں چَہ ھما دێم ءَ سَر بُوتَگێں
مارا وَہدے پَکار اِنت دُبَر آیَگ ءُ پہ بَشَر بُوَگ ءَ
شَہد ءُ شیر ءِ اِد ءَ کَور ءُ کَورجۆ تَچ اَنت، نێست اِنت ھاجَت بلے
ما کہ تُنّیگ اَتێں مارا تْرَمپے نَرَس(اِ)ت لُنٹ ءِ تَرّ بُوَگ ءَ
گۆں کئے ءَ گِلَّہاں اِے کن ئے کہ چی ءَ بے وَپا بُوتَگ ءِ
مَرچاں مِہر ءُ وَپا ءِ کہ ھَر نێمَگ ءَ بَئے ءُ شَر بُوَگ ءَ
شَہر ءِ دَمکاں مَتَرّ بے سَریگ ءَ کہ دُنیا ھَراب اِنت، جِنِکّ
سَہی نا ئِے تَو نَزان ئے تَئی باپُشت ءَ چۆنێں ھَبَر بُوَگ ءَ
ما چۆ سِنگ ءِ بُت ءَ ھُشک ءُ ھَیران اَتێں دێم ءَ دُردانگ ئے
اَتکَگَت آ پہ وَہدے وَتی دَزگُہار ءِ نَپَر بُوَگ ءَ
بێدِ تَو دۆست نَبُوت مارا کَسّ اِے جَہان ءَ نَزیرا بُگُش
چۆ ھَزاراں تَیار اَت گۆں بِچکَندَگاں ھَمسَپَر بُوَگ ءَ
<سترُنگ><اِم>نَزیر ناسِر