نَکش کَنان اَنت ھۆناں تاکاں پێداک اَنت
چُکّان اَنت تَئی پاد ءِ ھاکاں پێداک اَنت
ھَمبَل دِلگۆش اَنت شَپچێرێں تَلکاں گۆں
دُژمِن دِلترَکّ اَنت چَہ تْراکاں پێداک اَنت
تَئی بِچکَندَگ پہ مَن کہ اوپار ءُ سِکَت
دَہر ءِ دِلبَڈّی تێلانک اَنت پێداک اَنت
دْرَچک مَنی سَنگَت رۆچ ءِ دێم ءِ دیوال
کِشک ءِ سَر ءَ ساہِگ مێلانک اَنت پێداک اَنت
زیران اَنت تَہنایا گُنگیا وَتی
پَشت گێجان اَنت جَلّڈ ءُ جاکاں پێداک اَنت
وَشّی، گُل، مئے پِریاتانا دِلگۆش نَکَنت
گُش نَداریت گَم گُشتانکاں پێداک اَنت
<سترُنگ><اِم>آہُوگ گُل