زِندَگی ءِ کَٹّ جَلاں کَپت، شَرتِر اَت جَور پَلّ کُتێں
چۆ مَبیتێناں پَشێماں، گَم کُتێں ناں گَل کُتێں
ھامَگ اَنت چَمّ تَئی ھُمارێں، پْرُشتَگ اَنت شِلّێں مِچاچ
جَمبَر ءِ پُٹّے بِساتێں پہ تَو مَن کَنجَل کُتێں
زانتَگَت کہ ھِچّ نَرُدیت سۆرَگێں ھاک ءَ مَنی
رۆپَگے زُرتێں لَتارتێں، ھاک رُپتێں ڈَل کُتێں
بَلکێں رۆچے رۆزگارے رُست پہ تَو ساہِگے
سُتکَگێں اَرواہ بُبُرتێں نَمبَگے ءَ کَلّ کُتێں
اَنچۆ بیتێں آگَہی ءَ واب ءَ گِندیت مَردُمے
اِستال کِشتێن اَنت زِمین ءَ ، آزماں جَنگَل کُتێں
جاک ءُ جَلَّوے نَلۆٹیت، راہے، ھَریَکّے گْوَزیت
چَمّ پہ مَدی ءَ نَکَپت اَنت لۆگ ءِ دێم تَو پَلّ کُتێں
<سترُنگ><اِم>مَدیاں مَدی