اَسپ اِت اَنت ءُ ھۆنیێں کاٹار اِت اَنت
گُڈِّ جَنگ ءَ اێُکێں بازار اِت اَنت
اُمبر ءِ رَپتار ءَ کَسانی چۆش وارت
مئے نْیام ءَ دۆد ءِ مِکّ دیوار اِت اَنت
آئی ءِ گۆں آیَگ ءَ زِند ءِ زِر ءِ
دَرد دْراہێں پہ رَوَگ آچار اِت اَنت
ما پہ جِند ءِ واباں ھَرشَپ ٹُکِّت اَنت
یار ھامۆش تَئی بلے دَربار اِت اَنت
دِل گۆں پازێپانی پَجّیگ ءَ دَر اَتک
چۆنێں وَشّێں لُڈَّگ ءُ رَپتار اِت اَنت
پہ تَئی زێبائیں ھُسن ئے اَرزُناں
دیدَگانی مُرگ مُژدَوار اِت اَنت
لَڈَّگ ءَ گۆں کَسّے ءِ* شَہر ءِ مَنی
دَمک پُورَہ تێوَگێں بیمار اِت اَنت
مَن تا مَرچی جِند ءِ آستیکا وَتی
چَنڈَگ ءَ گۆں دیست تاکہ مار اِت اَنت
شُشتَگێں بالاد ءِ آزمان ءَ تَئی
چینچو ڈَولدار مُہرَگێں اِستار اِت اَنت
نَدر بُوت اَنت گۆں سَمین بِچکَندَگاں
اَنچۆ شَیدا پہ وَتَن مئے یار اِت اَنت
………………۔
کَسے ءِ*
<سترُنگ><اِم>سَدّام سَمین