جَنگَلے شانتُلانی ھَمراہ کُت
زِندَگی تْرانَگانی ھَمراہ کُت
ما بِزانتێں کہ اێوکی گران اِنت
ما وَت ءَ مَردُمانی ھَمراہ کُت
سار بُوتاں، وَتی گَنۆکێں دِل
مَن کہ دێوانَگانی ھَمراہ کُت
رۆچ کَئی اِنتِزارا بُن گِپتَگ
شَپ کئے ءَ ساہِگانی ھَمراہ کُت
آزماں آپ بُوت مَنی چَمّاں
جَمبَرے پْیالَگانی ھَمراہ کُت
تَئی وَدار ءَ کہ اِنسِرێنت نَکُت
گْوات دَروازَگانی ھَمراہ کُت
پاشک بُوتاں وَتی تَہا اَرماں
کِسَّہے کاگَدانی ھَمراہ کُت
<سترُنگ><اِم>ھالِک اَرماں