گْواڈَگ ءُ پُلّاں مَنی گۆں سَنگَت ءُ یاری نَبیت
داں گِسَر کُنٹَگ نَبَنت اِنت بِہ چَکَنکاری نَبیت
دێر اِنت دِل تَئی تْرانَگانی تاس ءِ آپ ءَ بُڈِّتَگ
جُلگَہێں اِے گێدی ءَ مئے زِرد ءِ آشکاری نَبیت
زَرّ ءِ لَبّ ءُ لالِچ ءَ تَئی سَرجَمێں دَر بَند کُت اَنت
گۆں مَن ءَ مِہر ءِ سَپَر پہ نۆٹ ءُ کَلداری نَبیت
رۆلَہێں بے گاہ مَن ءَ را بام ءِ سَوگِند ءَ نَگُش ئے
رۆچ بُرز اِنت، شَپ تَہارماہ، گۆں مَن چَمداری نَبیت
چینچو ناسِر اُزر داراں سَہتُکے ءِ گِندَگ ءَ
داں نَگِنداں مَن تَر ءَ را گۆں مَن گُلکاری نَبیت
<سترُنگ><اِم>ناسِر نَیم
2 اَکتۆبَر، 2025