ناں مَہکانے، ناں مَہرَنگے، نَئکِہ شَرابے پَشت کَپیت
کۆرێں چَمّانی آتراپ ءَ چَمپَچێں وابے پَشت کَپیت
تَو کہ ماں رۆزَرد ءِ گُباراں شَہدێں لُنٹاں گَٹّ پاچ ئے
زِند ءِ تَمامێں رَنگ گِسَر بَنت، تَہنا گُلابے پَشت کَپیت
چَہ مَرچیگ ءَ رَند مَن ءَ را کَشّ چَہ وَتی گُمراہێں دِل ءَ
شَکَّل ءُ شَہدێں جُست نَمان اَنت، جَورێں جَوابے پَشت کَپیت
اِے سَودا اِشک ءِ سَودا اِنت، نُکس ءُ نَپ ءَ چَہ بال ءَ اِنت
تَو تُری دُرسێں واماں بُمۆک ئے اَنگَت ھِسابے پَشت کَپیت
بِلّ ئِے زَمانَگ پُرس بِداریت، وانَگ ءُ زانت ءِ کَہت بِبیت
کازی جَہان ءِ جَنڈ ءُ پُتِنکاں، پہ تَو کِتابے پَشت کَپیت
<سترُنگ><اِم>مُبارِک کازی