بَہیلّێں سێٹے ءِ گِس ءَ مِہمانے اَتک۔ سێٹ ءَ وَتی زَہگ ءَ را گُشت بُرَو بازار ءَ سێرے شَرّێں ھَلوا بِگِر ءُ بْیار۔
زَہگ شُت ءُ پَدا ھُشکێں دَستان اَتک۔
سێٹ ءَ جُست کُت ھالوا نێست اَت؟
زَہگ ءَ گُشت مَن شُتاں ھَلوائی ءِ کِرّا ءُ گُشت کہ سێرے شَرّێں ھَلوا بِدئے۔ آئی ءَ گُشت مَن تَرا اَنچێں ھَلوا دَیاں پُورَہ نێمَگ۔ مَن ھَیال کُت پَرچا نێمَگ ءِ جِند مَگِراں! مَن نێمَگ ءِ دُکّان ءَ شُتان ءُ گُشت سێرے شَرّێں نێمَگ بِدئے۔ آئی ءَ گُشت مَن تَرا اَنچێں نێمَگ دَیاں پُورَہ بے نَگ۔ مَن دِل ءَ گُشت بے نَگ ءِ جِند گِراں شَرتِر اِنت۔ شُتاں بے نَگ ءِ دُکّان ءَ ءُ سێرے بے نَگ لۆٹِت۔ آئی ءَ گُشت مَن تَرا اَنچێں بے نَگ دَیاں کہ چۆ آپ ءَ ساپ۔ مَن چارِت آپ وَ گِس ءَ وَت ھَست پَمِشکا ھِچّ نَزُرت ءُ اَتکاں۔