دَرد ءِ چِراگێں دیدَگ تَہار اَنت، رۆک کَن دِل ءَ
اِستال ءُ ماہ ھَم تَئی رازدار اَنت، رۆک کَن دِل ءَ
پہ سَیل ءُ سْوادا کاڈانی ٹۆلی سَر گِپتَگ اَنت
بَلکێں اِد ءَ ھَم سَہتے بِچار اَنت، رۆک کَن دِل ءَ
تَئی دۆست ءُ ھَمبَل اوستانی سْیاہێں گار ءِ تَہا
اَچ تَو مُدامی اُمّێتوار اَنت، رۆک کَن دِل ءَ
نۆدانی اَرساں آپ کُرتَگ اَنت دُرسێں کَنجَل شَپ ءِ
بے وابێں ماہ ءِ دیدَگ ھُمار اَنت، رۆک کَن دِل ءَ
دَردانی آس ءَ تَہنا بُسُچ، کَسّی زَنگ ءَ مَجَن
تَو بے گُناہ ئے، آ بے مَیار اَنت، رۆک کَن دِل ءَ
<سترُنگ><اِم>مُنیر مۆمِن