تُنّ ماہِکانے بُوت، واب زاپِراں کُت اَنت
ما ھَردُکاں جِتا جِتا دِلُن وَتی زیاں کُت اَنت
ھَمے کہ وَہد ءِ مانِش ءَ کَرارے ءِ وَڈالی اَنت
ھَمے وَڈێں گْوات ءِ اَکس آپ ءِ پاسپاں کُت اَنت
شِکَستَہێں دَماںے ءِ اَزابیانی اُپّ ءُ آہ
زِمینی ساہِگے پَتات اَنت، زَردێں آزماں کُت اَنت
ھَزار بار دیدَگانی رێگزاری بُنزِہاں
تَیاب، چَول، زِر وَتی گۆں گِلَّہاں بَیاں کُت اَنت
سَپَر مُساپِرێں دِلے ءِ ھَلکی رَہسَرے نَہ اِنت
کہ مِنزِلانی شَپنَسیباں کِشک کارواں کُت اَنت
اَبێتکیانی اُزر گارێں مۆلُمے ءِ مُہبَت اِنت
تَہاریانی دْرۆہَگ ءَ چِراگ دَور دَیاں کُت اَنت
<سترُنگ><اِم>مۆلُم چِراگ