مَردے وَلاِتاں شُت۔ اود ءَ آئی ءَ اَنچێں دَرمانے دَست کَپت کہ چَہ آئی ءِ وَرَگ ءَ مَردُم پَدا وَرنا بیت۔
مَرد ءَ ڈَبّیے پہ وَتی مات ءُ پِتاں گِپت ءُ مُلک ءَ دێم دات۔ سالے کَپّے ءَ پَد وَہدے گِس ءَ واتَرّ بُوت، دیست ئِے کہ مات ءِ کَش ءَ نُنُّکے وَپتَگ۔ چَہ مات ءَ جُست ئِے کُت:
“اَمّاں! اِے نُنُّک کئیگ اِنت؟”
مات ءَ پَسَّو دات:
“اِے تَئی پِت اِنت۔ اێشیا تَئی دێم داتَگێں دَرمانانی ڈَبّی تێوَگ ءَ وارتَگ کہ بِلّ ئِے شَکَروَرنا بان ءُ دِگِہ جَنے گِراں۔”