دِل چۆ سُرۆز ءَ ساز بیت، تَئی تْرانَگ ءَ وَہدے کَپاں
دُنیا چَہ مَن ناراز بیت، تَئی تْرانَگ ءَ وَہدے کَپاں
مَن کَہر باں، دِل بَہر بیت، وَیراں مِہر ءِ شَہر بیت
یَکّ تْرانَگے سَکّ باز بیت، تَئی تْرانَگ ءَ وَہدے کَپاں
تَہنا مَن بے تَو گار باں اِمرۆز ءِ دَنزانی تَہا
ھَرچی پَدا شۆہاز بیت، تَئی تْرانَگ ءَ وَہدے کَپاں
تَئی یات پہ مَن چاردَہی ماہے تَہارماہێں شَپاں
ساہِگ مَن ءَ اَمباز بیت، تَئی تْرانَگ ءَ وَہدے کَپاں
کازی دِل ءَ نَکش اَنت تَئی دیوان ءُ مَجلِس پێسَری
ھَرّۆچ گَپّ ءُ واز بیت، تَئی تْرانَگ ءَ وَہدے کَپاں
<سترُنگ><اِم>مُبارِک کازی