تَو وَتی مَوجێں دِل ءَ چَہ جُست بِکَن
تَئی دِل ءِ بَنداں مَن جاہے کُت نَکُت
مَن ھما پێشی مَن ءُ اَرماں مَنی
مَن وَتی اَرماں چاہے کُت نَکُت
تَو گُش ئے کہ ھار ءُ کَنڈیگ ءُ جَوَکّ
ھَو کہ مَن اِے دِل تِلاہے کُت نَکُت
بِلّ ئِے کہ سَئی اِنت جَہاں مئے زاریا
ما ءُ تَو پَرچا سِلاہے کُت نَکُت
بێدِ چَہ وَشّێں ھَیال ءُ تْرانَگاں
مَن دِگِہ گێشێں گُناہے کُت نَکُت
سَر بَیاں بارێں چِہ پَیم ءَ مِنزِل ءَ
بَستَگێں بَندے مَن راہے کُت نَکُت
لَیب نَہ اِنت مُلا بَلاہانی بَرَگ
تَو وَت ءَ دِنگ ءُ بَلاہے کُت نَکُت
مَن شَپے پہ وَت سَباہے کُت نَکُت
زْیادَہێں دَرداں چَہ آہے کُت نَکُت
<سترُنگ><اِم>جی آر مُلا