بے نَگ بام چَہ رَکّاں، چَمّاں آس شَراب
اُو مِہرانی نُگرَہ، تِلاہێں تاس شَراب
تَئی ٹَہلانی تیراں گۆں زَیمێں زِرد ءَ
مَن چَکّاساں، تَو جَگَر ءَ چَکّاس شَراب
داں ھَشرا تَئی نام کِتاباں پَشت کَپیت
نۆش بِکَن مئے پَیم ءَ چارێں پاس شَراب
گُل ماں گُلێں پۆشاکاں اَنچۆ ڈَولدار اِنت
چۆ کہ بِبیت ماں کانچ ءِ کَٹُور ءَ لاس شَراب
مئے بازار ءَ زَہرێں آپ ءِ تَنگی نێست
مئے پیرێناں بَہر کُتَگ میراس شَراب
پہ ھۆنیگاں بێر ءِ سِکێن ءَ رۆدێنیت
وَہد ءِ مَزارێں دَست ءِ زِہێں اَلماس شَراب
کازی، دۆست ءِ تَوسیپ ءَ مَن چے بُگُشاں
چۆ آبرێشُم دێم، بَدَن کَرپاس شَراب
<سترُنگ><اِم>مُبارِک کازی