چَمّ شَنز اَنت کہ نَشَنز اَنت تَئی تْرانَگ کاینت
اِے نَسَگّێں دِل ءِ رَنجانی ھَزانَگ کاینت
وَتی اوپار ءِ کِساس ءَ چَہ کَدی گێش مَرَو
رَستَرێں ھَرچ سَگّ ءِ وَہد ءُ زَمانَگ کاینت
چُکّ، باندات، زِمین، لۆگ، کِشار، واب ءُ سُہب
ھِچّ نَمانیت ھما رۆچ ءَ کہ مئے زانَگ کاینت
کۆرێں اِے دُنیا، نَگِندیت، بلے چۆ بیت بَرے
پْرُشتَگێں زِرد چۆ بُوتَگ پہ نِشانَگ کاینت
گراں دان اِنت یا تَئی اَگل ءِ سُبَکّێں گَپّ اِنت
چَنک ءِ ھێلدار کُج ءَ پُلّ پہ دو دانَگ کاینت
سال کاینت رَو اَنت کَسّ نَپُرسیت کَسّ ءَ
پُرس ءِ رۆچ ءَ چی ءَ سئے رۆچ ءَ بَنت پانَگ، کاینت
مَند ءِ بازار ءِ مَسیت، کَیمپ ءِ کَش ءِ دَربَرجاہ
گیر ھَر شَپ تَئی گُل ءَ مێتَگ ءِ وانَگ کاینت
<سترُنگ><اِم>آہُوگ گُل