دَریگ ءِ زُہر ءِ کَوش ءَ گۆں اُبێنَگی تِکَہ دَیاں
مَن دۆشی دێراں نِشتَگاں
مَن نِشتَگان ءُ سُتکَگاں
مَن نِشتَگان ءُ سُتکَگاں، نِہِنگێں دِرّ تَئی تْرانَگ ءِ
نہ اُزرے تَو کُلَو کُتَگ
نہ گِلَّہے نَگُشتَگێں
سَباہ ءِ پُلّ سْرَپتَگ اَنت
چِراگ رۆچ ءَ کُشتَگ اَنت
بُلۆرێں ھَلوَتُن پْرُشیت، مَن ءَ تَئی گیر سَر گِر اَنت
بَرے گۆں لُنٹاں سِرتَگێں
تَو شَپ چِتَگ گۆں چُکَّگاں
بَرے بَرے گۆں کِسَّہاں تَو آب ٹَپُّرێنتَگ اَنت
نَیاریت کِشک تَئی مێتَگ ءَ
تَئی دَمکاں پاد داشتَگ اَنت
اِے دِل پہ زۆرے گْوَر جَتَگ
تَو ھِچّ مَگُش، تَو ھِچّ مَرَنج
رْیاے ءَ رَزا کُتَگ مَن گَٹّ تَئی کۆہێں ھاتِر ءَ
<سترُنگ><اِم>شَپ ءَ بَلۆچ