پُرس ھال ءَ وَتیگ ءَ ھَم، زَنگ ءِ جَنَگ ءَ سَر گْوَز
زَیم اِنت تَئی دِل ھَم، زَیمێں زَدَگ ءَ سَر گْوَز
ھَر سُہب ءِ سَر ءَ شَگرَب ھَلوَت مَنی گۆشاں کَنت
رۆێرشُت ءِ رۆچ اێر شُت، رَند ءِ کَپَگ ءَ سَر گْوَز
مئے زِند ءِ گَلَگ مَرچی بے وانکی ءَ دێم ءَ رَوت
پہ بْرَمشے جَہاں جَہ جَنت، گْوانک ءِ جَنَگ ءَ سَر گْوَز
تَژنے دِل ءَ تَورێنیت ءُ دِل مَن ءَ سَہڈێنیت
اِے زِند پہ تَو تَژنے، ھُشکێں سُچَگ ءَ سَر گْوَز
لَبزانی بِدئے سَہتاں پِکرانی گْوَر ءَ داِم
زێبے کہ مَبیت اِنت گۆں، آ سَمبَہَگ ءَ سَر گْوَز
<سترُنگ><اِم>ھاں سابِر
سَتَمبَر-1975، تُمپ