مُچّ بیتَگێں مۆرانی سَر ءَ اَناگَہا گَرمێں آپ رِتک۔ بازێں مۆرے مُرت ءُ بازێںے تُست۔ یَکّ مۆرے ءَ وَت ءَ واریے سِنگے ءِ پُشت ءَ چێر دات۔
دِگِہ یَکّ مۆرے لَنگ جَنانا ھَمے سِنگ ءِ کِرّا رَسِت۔ چَمّ ئِے سِنگ ءِ پُشت ءَ ٹَپِّتَگێں مۆر ءَ کَپت اَنت۔
“مَن گُشتَگ، تَو مُرتَگ ءِ بلے تَرا پہ تَچَگ ءَ آپرین بات”
“نَتَچ ئے دِگِہ چے کن ئے؟ اِے بَلاہێن ءُ زالِمێں بَنیادَم گۆں ما کُج ءَ دارَگ بَنت، پَدا تَو کُج ءَ زانا جَنگ داتَگ؟”
“مَن وَ نۆکی پێداک آں۔ دْرُست کہ تَتکَگ اَنت، مَن کُجام زَہم ءَ جَت کَناں؟”
“بلے ما بَنیادَم ئِے چِہ کار ھَراب کُتَگ کہ مارا تْرَہَگ ءَ نَیلیت؟”
“ھَو بلے اێشاں کہ پہ وَت ءَ نَبیت، پہ ما کُج ءَ بیت۔ یَکّ دِگِرا کہ کُش اَنت، مارا کُج ءَ پَشت گێج اَنت؟”
دَمانُکے ءِ بے تَواری ءَ پَد لَنگێں مۆر ءَ دَرّاێنت:
“آ مَدَگ ءَ بِچار چۆن جَتک اِنت۔ ما اگں شِنگ ءُ شانگ مَبیتێنێں، اِشانی شام اَتێں۔”
<سترُنگ><اِم>جَمیل مِہراب