گُنگُدامێں بانڈُم اَنت، مَردُم کُج اِنت
بے وَپائیں مَردُم اَنت، مَردُم کُج اِنت
اَنچێں وَیرانێں دَیارے رَسِتَگاں
گارێں مُرگانی رَم اَنت، مَردُم کُج اِنت
گۆں مَن ءَ ھَمراہ چارێں مۆسُماں
بَسّ نَپَسگیرێں گَم اَنت، مَردُم کُج اِنت
آئی ءَ کہ راج ءِ دَلّاری کُتَگ
سَرمَچار مئے دِلجَم اَنت، مَردُم کُج اِنت
اێر نِندان اِنت تَہاری رَگ رَگ ءَ
شَپچِراگ زَردێں چَم اَنت، مَردُم کُج اِنت
ساہِگ ءَ رۆچ ءَ چِراگ دَست ءَ کُتَگ
کازی مَردُم بے گْوَم اَنت، مَردُم کُج اِنت
<سترُنگ><اِم>مُبارِک کازی