کاشی کُڈُّک، دَشت ءُ کَہچَر دۆست بَنت
بَرپێں بالاد، شِنگێں مَہپَر دۆست بَنت
گیر کاراں آ چِگِرد ءُ لانٹیاں
آ ڈَلۆنک* ءُ اَہدی جِنتَر* دۆست بَنت
سَرڈاگارا نَدر باتاں مَن وَتی
ناہ مُزاتی، دازی کۆنَر دۆست بَنت
رۆچ ءِ ٹِکّا گۆرُم ءُ بَگّاں رَواں
آ تَمَردێں وار ءُ بَزگَر دۆست بَنت
مَن نَلۆٹاں ڈَنّ ءُ دَرمُلکی شَراب
شیر ءُ شیلانچ، ناہ ءُ لُوجَر دۆست بَنت
گْواش ءُ کابێل سارتێں کانیگ مَیزَراں
چَرز ءُ سْیَہگوَر، مُرگ کَپینجَر دۆست بَنت
کۆہ مَنیگ اَنت، لَد مَنیگ اَنت جَنَّتێں
اِے چۆ ساہ ءَ مارا اَکتَر دۆست بَنت
…………………………………۔
*جِنتِر
*ڈَلۆک
<سترُنگ><اِم>اَکتَر مَہمُود