تَو مَنی کَوم ءِ ھَکّیێں رَہَبَر
تَو مَنی دۆد ءِ سَنگَرێں بۆلاں
تَو مَنی راجی کَیلُو ءِ بُنپاں
تَو بَلۆچی ءِ زَگرێں اِیمان ئے
تَو مَنی نام ءِ اِزَّت ءُ شان ئے
تَو مَنی ھێل ءِ مَکتَبێں بُنزِہ
تَو مَنی پِگر ءِ پیلَہێں گْواجار
تَو مَنی کِرد ءِ کامِلێں پَجّار
جی تَئی ماتی جَوزَگ ءُ ھُلّ ءَ
جی تَئی کۆہِنگێں دِل ءِ جَلّ ءَ
جی تَئی کِردار ءَ اَسیلێن ءَ
جی تَئی پَہر کہ پِگر پَرما ایت
جی تَئی شاں کہ باز شۆنا ایت
جی تَئی مِہران ءَ نَمیرانێں
جی مُرادانی سُہردَپێں بام ءَ
جی ھما ھۆن کہ پہ وَتَن رِتکَگ
جی ھما مَرگ کہ مانَہے داریت
جی ھما کۆش کہ زِند بَکشا ایت
<سترُنگ><اِم>گَنی پَہوال